12/6/11

PREMIOS XERAIS: UNHA XORNADA INESQUECIBLE

Os gañadores (clic para ampliar).
Procedencia da imaxe.
Son moitas as satisfaccións que, dun xeito ou doutro, me teñen dado os libros e sempre me considerei deudora impenitente e irredenta das persoas que fan posible que chegue ás nosas mans a testemuña do talento, do pensamento, da historia, da cultura... É por iso que me sinto tan honrada por ter formado parte do xurado dos Premios Merlín deste ano, ao carón de persoas de recoñecido prestixio profesional e de grande calidade humana: Gracia Sanctorum, Ángeles Roca, Rodrigo Chao, Antonio Reigosa e Helena Pérez.
Na illa de San Simón, un escenario incomparable pola súa fermosura e polo seu simbolismo, tivo lugar o emotivo acto da entrega de premios, coas intervencións dos gañadores: Anxo Fariña, Héctor Carré e Xavier Queipo polas obras A chave da Atlántida, Febre e Extramunde, respectivamente.
Foi todo un pracer escoitar a María Xosé Queizán, quen actuou como mantedora literaria cun espléndido discurso titulado "Escribir en nome propio".
Non podo deixar de mencionar a Leo Arremecaghona, que amenizou a velada cun espectáculo nada convencional, cun humor cargado de chiscadelas á nosa idiosincrasia, humor do noso, con dobres sentidos e cheo de reivindicacións, co que engaiolou ao auditorio.
Rematou o acto Manuel Bragado cunha breve e atinada intervención na que fixo unha lembranza de Juan Farias, escritor galego falecido recentemente, e solicitou das administracións públicas un maior apoio ao sector do libro e unha clara e decidida aposta pola nosa lingua.

Os meus parabéns aos galardoados e, por suposto, a Xerais pola impecable organización deste evento.

Atoparedes máis información deste acto no blog de Xerais e en Trafegando Ronseis.
Héctor Carré, Xabier Queipo e Anxo Fariña.

PREMIOS XERAIS 2011 NOS MEDIOS

6/2/11

LO + 2010

A Fundación Germán Sánchez Ruipérez, como ven sendo habitual cada ano, ofrécenos unha selección dos mellores libros editados no 2010, en función do interés que suscitaron nos seus lectores. Preme na imaxe para acceder:

Premendo nas imaxes seguintes poderás ver as seleccións do 2008 e do 2009:


COMO FACER QUE OS NEN@S ABORREZAN A LECTURA


Un artigo interesante arredor do pensamento de G. Rodari que analiza este tema en "Novas maneiras de ensinar aos nenos a odiar a lectura".
Estas son algunhas das súas propostas para ensinar a aborrecer a lectura.

1.- Botarlles en cara aos nenos que non lles guste ler.

2.- Obrigalos a ler.

3.- Converter os libros en "outros deberes".

4.- Converter o libro nunha mera ferramenta académica.

Podes ler AQUÍ o artigo completo.
Visto en Crea y aprende con Laura.

12/1/11

LECTURAS DE INVERNO

Unha selección de lecturas onde o inverno é o protagonista (todos os títulos son en castelán):
Invierno
Fonte

12/12/10

EMOCIONANTE VARGAS LLOSA

Emocionante discurso do Premio Nobel de Literatura Mario Vargas Llosa, ante a Academia Sueca: "Elogio de la lectura y la ficción" :

"Aprendí a leer a los cinco años, en la clase del hermano Justiniano, en el Colegio de la Salle, en Cochabamba (Bolivia). Es la cosa más importante que me ha pasado en la vida. Casi setenta años después recuerdo con nitidez cómo esa magia, traducir las palabras de los libros en imágenes, enriqueció mi vida, rompiendo las barreras del tiempo y del espacio y permitiéndome viajar con el capitán Nemo veinte mil leguas de viaje submarino, luchar junto a d’Artagnan, Athos, Portos y Aramís contra las intrigas que amenazan a la Reina en los tiempos del sinuoso Richelieu, o arrastrarme por las entrañas de París, convertido en Jean Valjean, con el cuerpo inerte de Marius a cuestas.
La lectura convertía el sueño en vida y la vida en sueño y ponía al alcance del pedacito de hombre que era yo el universo de la literatura. Mi madre me contó que las primeras cosas que escribí fueron continuaciones de las historias que leía pues me apenaba que se terminaran o quería enmendarles el final. Y acaso sea eso lo que me he pasado la vida haciendo sin saberlo: prolongando en el tiempo, mientras crecía, maduraba y envejecía, las historias que llenaron mi infancia de exaltación y de aventuras."
(
Ler completo en pdf.)


MÁIS INFORMACIÓN:

Crónica de El país.com: "Mario, para lo único que tú sirves es para escribir"

Especial Mario Vargas Llosa de El pais.com

Videos do discurso de aceptación do premio Nobel (youtube)

Imaxes

14/11/10

O LIBRO MÁIS GRANDE DO MUNDO

O editor australiano Gordon Cheers está empeñado en crear os libros máis inmensos da historia. Hai un ano presentou un atlas de 580 páxinas e 35 quilogramos de peso, o terror dos andeis. Este ano, o reto era facer o libro máis grande. E aquí está Gordon, chegado á Feira de Frankfurt coa súa obra, outro atlas de 128 páxinas, tres metros de ancho e dous de alto. Como para ler na cama...


Recollido aquí

8/11/10

RECICLAXE DE LIBROS E ARTE

Mesmo cando xa non serven poden ser arte:


4/10/10

OS PERIGOS DA HISTORIA ÚNICA


Esta é Chimamanda Ngozi Adichie, escritora nixeriana que ten moito que contar, e así o fai nesta marabillosa charla. As súas palabras conmoven e poñen de evidencia o poder negativo da historia única:



(Selecciona o idioma dos subtítulos en "view subtitles")

Grazas Catuxa.

Engadir a Marcadores